В лѣто 6619 [1111]. Иде Святополкъ, Володимирь и Давыдъ и вся земля просто Руская на половцѣ, и побѣдиша я, и взяша дѣти их, и город по Дънови Сугровъ и Шаруканъ.
Новгородская первая младшего извода
Новгородская Карамзинская
Софийская первая летопись
Тверская летопись
1111
Въ лѣто 6619 [1111]. Князъ великыи Святополкь, и Володимерь Манамахъ, и Давыдъ Святославичь съ сыномъ Ростиславомь, и Давыдъ Игоревичь, Всеволодъ и Святославь Олговичи, Ярославь Святополчичь, Мьстиславь и Арополкь Володимеричи Манамаховы, и просто вся земля Рускаа, кииждо съ своею сплою, идоша на Половци, и поимаша грады ихъ Шаруканъ и Зугровъ по Дону. Слышавъ же сие Половци поидоша противу имь, и побѣдиша ихъ Русь, марта 24, на потоцѣ Дегеявъ. Пакы же, вь 27 марта же, прииде многое множество Половець, тмы тмами; и поможе Богъ Рускымъ княземь.