Пустой лист
Игоревѣ смерти». И абие повелѣ засыпати живых; и посыпаша их. Пославъши Олга къ древяномъ, и рече имъ: «Аще мя право просите, тъ пришлите мужи нарочиты, да в лицѣ честѣ поиду за вашь князь, еда не пустять мене мужи кыевьскии».
Се слышавше древлянѣ, изъбраша лучьшии мужи, иже дерьжаше Деревъскую землю, и послаша по Ольгу. Древляномъ же пришедъшимъ, и повелѣ Ольга мовъ сътворити: «Измывшеся, приидѣте ко мнѣ». Они же на то устроенѣ мужие, прежгоша избу, налѣзоша древъляне мытися; и запроша избу о нихъ, и повелѣ зажещи от двереи, и ту згорѣша вси. И посла ко древляном, рекуще сице: «Се уже иду к вамъ; да пристроите ми меды многы у града, идеже убисте мужа моего, да поплачюся надъ гробомъ его, и сътворю трызну мужеви своему». Инии же то слышавше, свезоша меду много зѣло и извариша. Ольга же поимъши съ собою мало дружины и легъ